Menaxhimit të Mbetjeve: Vlerësimi i Sistemit të Mbetjeve Bashkiake në Elbasan dhe Mundësitë për Përmirësim

Joint Projects Albania JP
#1

Në kuadër të BeMed+ Project, në bashkëpunim me partnerin INCA – Instituti për Ruajtjen e Natyrës në Shqipëri, një nga studentët @Julia do të zhvillojë një kërkim mbi sektorin e Menaxhimit të Mbetjeve: Vlerësimi i Sistemit të Mbetjeve Bashkiake në Elbasan dhe Mundësitë për Përmirësim.

Kjo fushë kërkimi synon të analizojë mënyrën se si Bashkia Elbasan menaxhon aktualisht mbetjet, nga grumbullimi dhe trajtimi, deri te riciklimi dhe asgjësimi, duke identifikuar zgjidhje inovative dhe të qëndrueshme për ta bërë sistemin më efikas dhe më miqësor me mjedisin.

Studentja do të vlerësojë politikat ekzistuese, infrastrukturën, përfshirjen e komunitetit lokal dhe bashkëpunimin me sektorin privat, duke u mbështetur edhe në modelet e ekonomisë rrethore dhe praktikat e mira nga vendet e Bashkimit Europian.

Ftojmë pjesëmarrësit e tjerë të platformës 1FUTURE të ndajnë ide, përvoja apo shembuj praktikë që lidhen me menaxhimin e mbetjeve, inovacionin në riciklim apo përfshirjen e qytetarëve në mbrojtjen e mjedisit.

1 Like
#2

Ky studim mendoj se eshte i vlefshem per te krijuar nje plan veprimi konkret te menaxhimit te mbetjeve plastike ne territorin e Bashkise Elbasan. Po jap disa ide ne lidhje me modele qe mund te zbatohen ne praktike ne territorin e studimit.

Menaxhimi i mbetjeve – praktika të suksesshme
• Ndarja në burim: qytetarët ndajnë mbetjet plastike, organike dhe të tjera që në shtëpi, duke rritur ndjeshëm efikasitetin e riciklimit.
• Skemat e depozitimit me kthim (Deposit Return Schemes): përdorur gjerësisht në Gjermani dhe vendet nordike, ku konsumatorët marrin shpërblim për kthimin e shisheve plastike apo qelqi.
• Kompostimi komunitar: stacione lokale për mbetjet organike, që reduktojnë volumin e mbetjeve dhe prodhojnë pleh natyral për bujqësinë.

Inovacion në riciklim
• Koshat inteligjentë: pajisje me sensorë që optimizojnë mbledhjen e mbetjeve dhe reduktojnë kostot e transportit.
• Riciklim kreativ: projekte që transformojnë mbetjet plastike në materiale ndërtimi, mobilje apo produkte të reja.
• Sisteme të mbyllura (Closed-loop systems): teknologji që sigurojnë riciklim pa humbje cilësie, duke rikthyer materialin në përdorim.

Përfshirja e qytetarëve
• Fushata ndërgjegjësimi: edukimi i publikut mbi ndikimet e mbetjeve plastike dhe rëndësinë e riciklimit, shpesh përmes shkollave dhe mediave.
• Nxitje komunitare për riciklim: aktivitete ku qytetarët sjellin mbetje për riciklim dhe marrin shpërblime simbolike.
• Platforma digjitale: aplikacione që informojnë qytetarët mbi vendndodhjen e pikave të riciklimit dhe i motivojnë përmes gamifikimit.

Shembuj praktikë ndërkombëtarë
• Gjermania: një nga sistemet më të suksesshme të ndarjes në burim dhe skemave të depozitimit.
• Francë & BE: projekte pilot për riciklimin e plastikës në produkte të reja, të mbështetura nga fondet e BE-së.

Keto ide mund te integrohen ne planin e menaxhimit te bashkise dhe te vleresohen per efektivitetin e tyre dhe perfitimin ekonomik te zbatimit te tyre, persa kohe jane praktika te mira te zbatuara dhe ne vendet e BE-se.

1 Like
#3

Përshëndetje, ashtu si dhe përmendur nga profesoreshë @PersetaGrabova , në kuadër të BeMed+ Project, në bashkëpunim me partnerin INCA – Instituti për Ruajtjen e Natyrës në Shqipëri, jam në procesin e zhvillimit të një kërkimi që synon të analizojë mënyrën se si bashkitë përgjatë lumit Shkumbin (zonë ekologjikisht e ndjeshme dhe me rëndësi strategjike për komunitetet lokale) menaxhojnë aktualisht mbetjet, nga grumbullimi dhe trajtimi, deri te riciklimi dhe asgjësimi, duke identifikuar zgjidhje inovative dhe të qëndrueshme për ta bërë sistemin më efikas dhe më miqësor me mjedisin.

Do të vlerësoj politikat ekzistuese, infrastrukturën, përfshirjen e komunitetit lokal dhe bashkëpunimin me sektorin privat, duke u mbështetur në modelet e ekonomisë rrethore dhe praktikat e mira nga vendet e Bashkimit Europian. Kryesisht, fokusi do të jetë te përmirësimi i ndarjes së mbetjeve në burim (në shtëpi, institucione dhe biznese), që mund të reduktojë ndotjen mjedisore, ulë kostot financiare të asgjësimit dhe rrisë të ardhurat nga riciklimi. Bashkitë lokale kanë qenë të hapura për bashkëpunim, duke ndarë të dhëna konkrete dhe duke treguar vullnet të qartë për përmirësim të vazhdueshëm.

Ky kërkim zhvillohet në kuadër të iniciativës mesdhetare BeMed+ (Beyond Plastic Med), e cila adreson ndotjen plastike në lumenj dhe zona bregdetare, duke forcuar kapacitetet lokale dhe zbatimin e masave konkrete në terren.

Mirëpres përvoja dhe komente lidhur me kërkimin.

1 Like